Qətərdə iki stadionun tikintisi tezliklə başa çatacaq
Bakı, 26 dekabr, AZƏRTAC
2022-ci ildə Qətərdə keçiriləcək futbol üzrə XXII dünya çempionatı üçün hazırlanan “Əl-Beyt” və “Əl-Vakra” stadionlarının tikintisi tezliklə başa çatacaq.
AZƏRTAC TASS-a istinadla xəbər verir ki, dünya çempionatı üçün səkkiz stadion tikilib və yenidən qurulacaq. Ötən günlərdə artıq Dohada “Xəlifə” Arena istifadəyə verilib.
Qırx min tamaşaçı tutumuna malik “Əl-Vakra” stadionu ərəb gəmisinə oxşar şəkildə hazırlanıb. “Əl-Beyt” stadionu isə 60 min tamaşaçı üçün nəzərdə tutulub və Ərəb çadırını xatırladır.
Dünya çempionatı 2022-ci il noyabrın 21-dən dekabrın 18-dək keçiriləcək.
Qeyd edək ki, dünya çempionatı üçün inşa edilən bütün stadionlar 2021-ci ildə istifadəyə veriləcək.
Bölmənin digər xəbərləri
