Qeyri-iş günlərində paytaxtda gözlənilən hava şəraiti açıqlanıb
Qeyri-iş günlərində Bakıda və Abşeron yarımadasında gözlənilən hava şəraiti açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan AZƏRTAC-a verilən məlumata görə, noyabrın 8-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Səhər saatlarında zəif duman olacaq, lakin gecəyə doğru bəzi yerlərdə yağış yağacağı ehtimalı var. Cənub küləyi 8-13 m/s olacaq. Havanın temperaturunun gecə 4-7° isti, gündüz 13-17° isti olacağı gözlənilir. Atmosfer təzyiqi normadan yüksək 769 mm civə sütunu, nisbi rütubət gecə 80-90, gündüz 60-70 faiz təşkil edəcək.
Noyabrın 9-da havanın dəyişkən buludlu olacağı, arabir tutulacağı gözlənilir. Gecə bəzi yerlərdə az yağış yağacağı ehtimalı var. Cənub küləyi 8-13 m/s olacaq. Havanın temperaturunun gecə 4-7° isti, gündüz 13-17° isti olacağı gözlənilir.
Noyabrın 10-da isə havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Cənub küləyi 7-12 m/s olacaq. Havanın temperaturu gecə 5-8° isti, gündüz 13-17° isti təşkil edək.
Bölmənin digər xəbərləri
