QHT sədri: Frank Peloni öz hərəkətləri ilə Azərbaycanın düşməni olduğunu göstərdi
Bakı, 17 noyabr, AZƏRTAC
Biz Frank Peloninin Azərbaycandan dərhal getməsini istəyirik. Çünki o, öz hərəkətləri ilə Azərbaycanın düşməni olduğunu göstərdi. Doğrudur, biz humanist xalqıq, insanlarla, xüsusilə qonaqlarla humanistcəsinə davranırıq, amma onun dünənki kobudluğu birbaşa Azərbaycan xalqına təhqirdir və belə bir məsələnin cavabsız qalması yolverilməzdir.
AZƏRTAC xəbər verir ki, bu sözləri bu gün Azərbaycan vətəndaş cəmiyyəti təmsilçiləri tərəfindən ABŞ konqresmeni Frank Peloniyə qarşı keçirilən etiraz aksiyasında "Milli Dəyərlər üzrə Maarifləndirmə" İctimai Birliyinin sədri Gülşən Behbud söyləyib.
O, konqresmenin Azərbaycanı dərhal tərk etməsini tələb etdiklərini və bu prosesin nəticələnəcəyi vaxta qədər aksiyanın davam etdiriləcəyini bildirib.
Bölmənin digər xəbərləri
