QORLOVKA MİLİSİNİN AZƏRBAYCANLI POLİQLOT ZABİTİ
AZƏRTAC Ukraynanın “Don.ua” saytına istinadla xəbər verir ki, Donetsk vilayəti Qorlovka Şəhər Milis İdarəsinin patrul xidməti batalyonu ictimai təhlükəsizlik şöbəsinin böyük inspektoru mayor Nizami Şükürov bu şəhərin daxili işlər orqanlarında yeganə azərbaycanlı və poliqlotdur. N.Şükürov 5 dil bilir. Həmkarlarının Hikolay Nikolayeviç adlandırdıqları Nizami həm də lirika vurğunudur. O, Azərbaycan şairləri ilə bərabər Ukrayna şairlərinin də şeirlərini əzbər söyləyir.
Bu il 50 yaşını qeyd etmiş Nizami Şükürov Astara rayonunun Pensər kəndindəndir. Orta təhsilini burada almış, Moskvada Mühəndis-İnşaat İnstitutunu bitirdikdən sonra Bauman adına Moskva Ali Texniki Məktəbinə qəbul edilmişdir.
Azərbaycandan olan nişanlısını görmək üçün Qorlovkaya gələn Nizami ailə qurub burada qalmalı olur. Səksəninci illərin əvvəllərində milis orqanlarına işə düzəlir...
Ötən illər ərzində Qorlovkanı ikinci vətəni kimi sevməklə bərabər, burada əsl kişi vəzifəsini də reallaşdırıb: ev tikib, oğul-qız böyüdüb, xeyli ağac əkib...
Bölmənin digər xəbərləri
