SİYASƏT
Raşid əl-Kindi: Şuşanın necə inkişaf etdiyinin şahidi oldum
![Raşid əl-Kindi: Şuşanın necə inkişaf etdiyinin şahidi oldum](/files/2023/2/1200x630/1689958169627003381_1200x630.jpg)
Şuşa, 21 iyul, AZƏRTAC
Mən düşünürəm ki, Şuşa Qlobal Media Forumu Azərbaycanın bu gözəl şəhərində öz işini uğurla yekunlaşdıracaq.
Bunu AZƏRTAC-a müsahibəsində Oman Xəbər Agentliyinin Elektron xəbərlər departamentinin direktoru Raşid əl-Kindi “4-cü Sənaye İnqilabı dövründə Yeni Media” mövzusunda Şuşa Qlobal Media Forumunda söyləyib.
Forumun açılış mərasimində xüsusilə Azərbaycanda investisiyalarla bağlı Prezident İlham Əliyev tərəfindən qaneedici cavabların verildiyini bildirən Raşid əl-Kindi, həmçinin bir çox məsələlər haqqında maraqlı söhbətlər aparıldığını diqqətə çatdırıb.
Azərbaycana ilk dəfə səfər etdiyini bildirən qonaq deyib: “Burada gördüklərim məndə çox xoş təəssürat yaratdı. Həqiqətən də Şuşanın necə inkişaf etdiyinin şahidi oldum”.