REGİONLARDA FUTZALIN İNKİŞAFINA DİQQƏT YETİRİLƏCƏKDİR
AFFA-dan AZƏRTAC-a bildirmişlər ki, iyunun 17-də qurumun binasında futzal üzrə ölkə çempionatının, kubok yarışının, həvəskar komandalar arasında futzal turnirlərinin təşkil olunması ilə bağlı tədbir keçirilmişdir.
Tədbirdə çıxış edən AFFA-nın birinci vitse-prezidenti Rauf Əliyev son dövrlər ölkəmizdə futbolun bütün növlərinin inkişaf etdirilməsi üçün böyük islahatlar aparıldığını bildirmişdir.
Azərbaycan Futzal Federasiyasının prezidenti Zaur Axundov isə ölkəmizdə futzalın daha da inkişaf etdirilməsi və beynəlxalq yarışlarda həm klub, həm də milli komandalar səviyyəsində yüksək nəticələr əldə olunması üçün çalışacaqlarını vurğulamışdır.
Z.Axundov söyləmişdir ki, futzalın kütləviliyinə nail olunması, regionlarda futzal klublarının yaradılması üçün məqsədyönlü tədbirlər həyata keçiriləcək, ölkəmizdə beynəlxalq yarışlar təşkil olunacaqdır.
Bölmənin digər xəbərləri
