RƏŞAD BABAYEV ŞAHMAT ÜZRƏ RESPUBLİKA ÇEMPİONATINDA LİDERDİR
Bakı, 22 yanvar (AZƏRTAC). Respublika Şahmat Mərkəzində kişi şahmatçılar arasında keçirilən respublika çempionatında 8-ci tura yekun vurulmuşdur.
Şahmat Federasiyasından daxil olan məlumata görə, turnirin lideri Rəşad Babayev Vasif Durarbəyli ilə görüşdən qalib ayrılaraq, mövqeyini daha da möhkəmləndirmişdir. Nəticədə 6 xal toplamış R.Babayev çempionluğa ən iddialı şahmatçılardan sayılır.
Nicat Məmmədov və Fərid Abbasov liderdən yarım xal geri qalırlar.
Digər qarşılaşmalarda aşağıdakı nəticələr qeydə alınmışdır: Vüqar Rəsulov-Eltac Səfərli 0:1, Fərid Abbasov-Azər Mirzəyev 1:0, Rəsul İbrahimov-Rəhim Qasımov 0,5:0,5, Nicat Məmmədov-Loğman Quliyev 1:0.
Bölmənin digər xəbərləri
