RESPUBLİKAMIZIN SOSİAL-İQTİSADİ UĞURLARINDA ƏZİZBƏYOV RAYONUNUN DA PAYI VAR
Tədbir iştirakçıları, əvvəlcə, qəsəbədəki Heydər Əliyev parkında ümummilli liderimizin büstünü ziyarət etmiş, önünə gül dəstələri düzmüşlər.
Rayon icra hakimiyyətinin başçısı Gülağa İslamov hesabat məruzəsi ilə çıxış etmişdir. O, ölkə prezidentinin yeritdiyi iqtisadi siyasət sayəsində respublikamızın iqtisadi qüdrətinin artmasına, əhalinin rifahının yüksəlməsinə dair faktları, regionların sosial-iqtisadi inkişafı Dövlət Proqramının uğurla həyata keçirildiyini konkret rəqəmlərlə xatırlatmışdır. Natiq qeyd etmişdir ki, həyata keзirilən məqsədyцnlь sosial-iqtisadi tədbirlər Əzizbəyov rayonunda da öz bəhrəsini vermişdir. Belə ki, rayon üzrə keçən il 2004-cü ilin müvafiq dövrünə nisbətən 3,6 faiz çox sənaye məhsulu istehsal edilmiş və xidmətlər göstərilmişdir. Hesabat dövründə 887 yeni iş yeri açılmışdır. Bunlardan 88-i yeni yaradılmış, 391-i mövcud, 68-i fəaliyyəti bərpa edilmiş müəssisələrin, 300-ü fiziki şəxslərin, 40-ı isə müxtəlif layihələrin payına düşür.
İcra hakimiyyətinin başçısı sahibkarlığa dövlət qayğısından danışaraq demişdir ki, bu günə qədər sahibkarların fəaliyyətinə rayonun hüquq mühafizə orqanları tərəfindən heç bir inzibati müdaxilə halları olmamışdır və bundan sonra da olmayacaq. Rayon ərazisində sahibkarlıq fəaliyyəti ilə 1230 fiziki şəxs, 756 hüquqi şəxs məşğul olur. Sahibkarlara qayğı göstərmək, onların problemlərinin aradan qalıdırılmasına kömək məqsədi ilə rayon sahibkarlar assosiasiyası yaradılmışdır.
Əhalinin təbii qaz və elektrik enerjisi ilə təchizatını, rabitə xidmətini yaxşılaşdırmaq məqsədi ilə görülmüş işlərdən danışan natiq qeyd etmişdir ki, Mərdəkan, Buzovna, Türkan, Binə, Şüvəlan, Şağan və Zirə qəsəbələrinə yeni qaz xətləri çəkilmiş və bərpa olunmuşdur. Rayon ərazisində 77 ədəd güc transformatoru dəyişdirilib, 272-si isə təmizlənib və əsaslı təmir olunmuşdur. Mənzillərə 2 min 719, idarə və təşkilatlara isə 121 telefon çəkilmiş, abunəçilərin sayı 35 min 420-yə çatdırılmışdır.
Natiq demişdir ki, H.Əliyev Fondunun Prezidenti YUNESKO-nun xoşməramlı səfiri, Milli Məclisin deputatı Mehriban xanım Əliyevanın köməyi ilə Mərkəzi Kütləvi Kitabxana üçün yeni bina tikilmiş o, lazımi avadanlıqla təmin edilmişdir. Pir Həsən ziyarətgahı yenidən qurulmuş, Türkan qəsəbəsində 17 nömrəli poliklinika yeni müasir binaya köçürülərək, avadanlıqla təchiz olunmuşdur. Bundan əlavə, Tьrkan qəsəbəsində təcili tibbi yardım stansiyası üçün yeni binanın tikintisinə, Şüvəlan qəsəbəsində 31 nömrəli xəstəxananın və Binə qəsəbəsindəki məscidin əsaslı təmirinə başlanmış, habelə 2, 13 və 16 nömrəli internat məktəblərində əsaslı təmir işləri aparılmışdır. 1 orta məktəb və 3 uşaq bağçası təmir edilir. 156 nömrəli məktəbin əsaslı təmiri, 123 nömrəli məktəb üçün isə yeni binanın tikintisi davam etdirilir. 237 nömrəli məktəbdə 200 yerlik 10 sinif otağı tikilərək istifadəyə verilmişdir.
Natiq məlumat vermişdir ki, Əzizbəyov rayonu ərazisində 20 min nəfərdən artıq qaçqın və məcburi köçkün məskunlaşmışdır. Hər il olduğu kimi, 2005-ci il ərzində də onların məskunlaşdıqları yerlərdə müəyyən işlər görülmüş, Mərdəkan qəsəbəsindəki “Qaranquş” və “Abşeron” sanatoriyaları, “Kəşfiyyatçı” sağlamlıq düşərgəsi və “Avtomobilзi” istirahət bazasında əsaslı təmir işləri aparılmışdır. Mərdəkan, Şüvəlan və Buzovna qəsəbələrindəki pansionat və sanatoriyalarda təmir işlərinə başlanmışdır. Rayon ərazisində işğal altında olan rayonların 14 məktəbi fəaliyyət göstərir. Onlar yer və avadanlıqla təmin olunmuş, fəaliyyətləri üçün hər cür şərait yaradılmışdır.
Gülağa İslamov əhalinin sosial müdafiəyə daha çox ehtiyacı olan digər təbəqələrinin vəziyyətinin yaxşılaşdırılması istiqamətində görülmüş işlərdən də danışmışdır.
Məlumat verilmişdir ki, 2005-ci il ərzində icra başçısının aparatına 1685 ərizə və müraciət daxil olmuşdur. Ərizə və şikayətlər şöbələr tərəfindən araşdırılmış, görülən tədbirlər, edilən kömək və təkliflər barədə məlumatlar verilmişdir. Daxil olan ərizələr, əsasən, sosial xarakterli olmuşdur.
İcra başçısı 182, onun müavinləri isə 351 nəfəri qəbul etmişlər. Bundan əlavə, qəsəbə nümayəndəliklərində “Açıq qapı” günləri təşkil edilmişdir.
Natiq əmin etmişdir ki, Əzizbəyov Rayon İcra Hakimiyyəti öz fəaliyyətini gələcəkdə də mövcud qanunvericiliyin tələbləri səviyyəsində qurmaqla çatışmazlıqları aradan qaldıracaq, dövlətimizin və xalqımızın mənafeyi naminə, rayon iqtisadiyyatının inkişaf etdirilməsi, əhalinin rifah halının yüksəldilməsi üçün əlindən gələni əsirgəməyəcəkdir.
Hesabat məruzəsinin müzakirəsində Əzizbəyov rayonundan Milli Məclisə deputat seçilmiş Rauf Əliyev, icra hakimiyyəti başçısının Şağan qəsəbəsi üzrə müavini Təvəkkül Səlimov, Binə qəsəbəsinin sakini Şubay Həsənov, Türkan qəsəbəsinin sakini Zərifə Manafova, YAP rayon təşkilatının sədri Namiq Əhmədov və başqaları çıxış etmiş, təkliflərini bildirmişlər.
Tədbirdə “Azərbaycan Hava Yolları” Dövlət Konserninin Baş direktoru Cahangir Əsgərov çıxış etmişdir.
Yığıncaq iştirakçıları adından Azərbaycan Respublikasının Prezidenti İlham Əliyevə müraciət qəbul olunmuşdur.
Yığıncaqda Prezidentin İcra Aparatının məsul işçisi Canpolad Musayev iştirak etmişdir.
Bölmənin digər xəbərləri
