Rəssamlar İttifaqında 150-dən çox fırça ustasının əsəri sərgilənəcək
Bakı, 11 noyabr, AZƏRTAC
Noyabrın 17-də Azərbaycan Rəssamlar İttifaqının V.Səmədova adına sərgi salonunda “Azərbaycanım” adlı rəsm sərgisi açılacaq. Milli QHT Forumunun və Rəssamlar İttifaqının dəstəyi ilə təşkil olunacaq sərgi 17 noyabr - Milli Dirçəliş Gününə həsr ediləcək.
Bu barədə AZƏRTAC-a sərginin təşkilatçısı Aygün İsgəndərova məlumat verib. Elnurə İsgəndərovanın layihə rəhbəri olduğu sərgidə 150-dən çox fırça ustasının 200-dək sənət əsəri nümayiş olunacaq.
Ziyarətçilər ekspozisiyada müxtəlif yaş qrupuna mənsub rəssamların və dekorativ tətbiqi sənət ustalarının əsərləri ilə tanış olacaqlar.
Bölmənin digər xəbərləri
