“Rezidentura” xüsusi buraxılışının birinci nömrəsi çapdan çıxıb
Bakı, 5 fevral, AZƏRTAC
“Rezidentura” xüsusi buraxılışının bu il üçün birinci nömrəsi Azərbaycan və rus dillərində çapdan çıxıb.
Tələbə Qəbulu üzrə Dövlət Komissiyasından (TQDK) AZƏRTAC-a bildiriblər ki, jurnalın bu nömrəsində baza ali tibb təhsili əsasında rezidenturaya qəbul qaydaları və baza fənləri üzrə qəbul proqramları, namizədlərin cavab verməkdə çətinlik çəkdikləri bəzi test tapşırıqlarının elmi-metodik izahı və tövsiyələr, test tapşırığı nümunələrini təqdim edilib.
Jurnalın elektron versiyasını (pdf formatında) www.abiturient.az saytında “TQDK-nın nəşrlərinin elektron versiyalarının online satışı” bölməsində sifariş verməklə əldə etmək olar.
Bölmənin digər xəbərləri
