RİQADA MƏKTƏBLİLƏR ARASINDA SİQARET ÇƏKİLMƏSİNƏ QARŞI MÜBARİZƏ AKSİYASI BAŞLANMIŞDIR

01.02.2006 [21:19]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, Riqadakı siqaretdən asılılığın profilaktikası mərkəzinin fəalları məktəbliləri bu zərərli vərdişdən çəkindirmək məqsədi ilə “Vitaminlər nikotinə qarşı” aksiyasına başlamışlar. Riqanın küçələrində və orta təhsil müəssisələrində fəallar məktəblilərə siqareti təzə şirəli yerköküyə dəyişməyi təklif edir, Latviyada tanınmış idmançıların keçirəcəyi idman tədbirlərində iştiraka çağırırlar.

Latviyada siqaretçəkmə ilə mübarizə problemi olduqca aktualdır. Son məlumatlara görə, 2,3 milyon əhalisi olan ölkədə kişilərin 47 faizi, qadınların isə 18 faizi siqaret çəkir. Bu zərərli vərdiş üzündən əmələ gələn xəstəliklərdən hər gün 12 adam vəfat edir.

Latviya hökuməti siqaretçəkmə ilə mübarizəyə dair xüsusi proqram həyata keçirir. 2010-cu ilədək siqaretin qiymətini 5 dəfə artırmaq, yetkinlik yaşına çatmayanlar üçün siqaret alanlara cəza tətbiq etmək planlaşdırılır. Hazırda bir neçə qutu siqaret alanlara mükafat verilməsinə imkan yaradan xüsusi reklam tədbirlərinin keçirilməsinə qadağa qoyulması məsələsi müzakirə olunur. Siqaret qaçaqmalçılığı ilə mübarizə də gücləndiriləcəkdir, çünki ucuz “xəlvəti bazar” siqaretin qiymətinin artırılması kimi tədbirlərin səmərəsini azaldır.

RİQADA MƏKTƏBLİLƏR ARASINDA SİQARET ÇƏKİLMƏSİNƏ QARŞI MÜBARİZƏ AKSİYASI BAŞLANMIŞDIR

MÜƏLLİFLƏ ƏLAQƏ

Bölmənin digər xəbərləri