Rumıniyada bir gündə 152 nəfər COVID-19-a yoluxub
Buxarest, 3 iyun, AZƏRTAC
Rumıniyada koronavirusa yoluxanların sayı 19669 nəfərə çatıb. AZƏRTAC Rumıniya Səhiyyə Nazirliyinə istinadən xəbər verir ki, son 24 saat ərzində 152 yeni yoluxma hadisəsi baş verib. Koronavirusdan ölənlərin sayı 1288 nəfərdir. 13 min 800 nəfər sağalıb. İntensiv terapiya şöbəsində 162 xəstə müalicə olunur. 2376 nəfər karantində yerləşir, 95549 nəfər evində təcrid olunub, 459 min 405 test həyata keçirilib.
Qeyd edək ki, Rumıniyada fövqəladə vəziyyət mayın 15-dən ləğv olunub. İyunun 1-dən isə restoranların açıq havada olan hissələrinin, çimərliklərin fəaliyyəti, açıq havada tamaşaların göstərilməsi bərpa olunub.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
