RUS DRAM TEATRI QASTROL SƏFƏRİNDƏDİR
Teatrın repertuarına altı tamaşa daxil edilmişdir. Belqorodlu uşaqlar bakılıların ifasında Mirzə Fətəli Axundovun “Lənkəran xanının vəziri” pyesinə baxacqlar. Teatrın bədii rəhbəri A.Şarovski bildirmişdir ki, biz bu pyesi gənc teatrsevərləri məhz ölkəmizlə tanış etmək məqsədi ilə seçmişik.
Yerli mətbuat yazır ki, Qafqaz gerçəkliklərindən xəbərsiz auditoriyaya tamaşanı qavramaq çətin olsa da, uşaqlar vəzirin başına gələnləri maraqla izləyirdilər. Milli Azərbaycan rəqsləri, geyimləri, Çingiz Almaszadənin musiqisi, yerində istifadə edilmiş kukla teatrı elementləri uşaqların ürəyincə olmuşdur.
Sonda tamaşanın bütün iştirakçılarının ifasında ritmik Qafqaz rəqsi arası kəsilməyən alqışlarla qarşılanmışdır.
Uşaqlar, - onların çoxu vilayətin rayonlarından məhz tamaşaya baxmaq üçün gəlmişdi, - bu parlaq, maraqlı tamaşanı uzun müddət unutmayacaqlar.
Teatr, şübhəsiz ki, böyük iş görür, öyüd-nəsihət vermədən gənc tamaşaçılarda digər millətin mədəniyyətinə, başqa xalqa maraq və hörmət oyadır. Şübhəsiz ki, tamaşaya baxan uşaqlar qafqazlılarla ədavət aparan skinhedlərə qoşulmayacaqlar. Deməli, teatrın dözümsüzlük və düşmənçiliklə mübarizədə qalib gəlmək şansı var.
Bölmənin digər xəbərləri
