RUSİYA DÖVLƏT DUMASININ SƏDRİ TACİKİSTANDA SƏFƏRDƏDİR

15.12.2005 [17:51]
Çap et
A⁺ A^-

AZƏRTAC-ın xüsusi müxbiri xəbər verir ki, Tacikistanda rəsmi səfərdə olan Rusiya Dövlət Dumasının sədri Boris Qrızlov dövlət başçısı Emoməli Rəhmanovla görüşmüşdür. Söhbətdə dövlətlərarası münasibətlərin dərinləşdirilməsi, ticarət-iqtisadi sahədə əlaqələrin genişləndirilməsi, ölkə iqtisadiyyatına sərmayə qoyuluşu və digər məsələlər müzakirə edilmişdir.

Görüşdən sonra Boris Qrızlov jurnalistlərə demişdir ki, Rusiya yaxın üç ildə Tacikistan iqtisadiyyatına 2 milyard dollar məbləğində sərmayə qoyulmasını nəzərdə tutur. Hazırda Rusiyada Tacikistandan getmiş 600 mindən artıq əmək miqrantı vardır. Biz istəyirik ki, tacik miqrantlarının Rusiyadakı fəaliyyəri leqal xarakter daşısın, çünki bizim qanunlar leqal miqrantların hüquqlarını müdafiə edəcək. Biz bu məsələlər haqqında geniş fikir mübadiləsi apardıq.

Boris Qrızlov ölkədəki Rusiya hərbi bazasında və Rusiya-Tacikistan Slavyan universitetində də olmuşdur.