RUSİYA KİŞİLƏRİN ÖMÜR UZUNLUĞUNA GÖRƏ DÜNYADA 136-CI YERİ TUTUR
Zurabov ümidvar olduğunu bildirmişdir ki, 2015-ci ilədək bu əmsal 1,7-yə yaxınlaşacaqdır. O vurğulamışdır ki, əhalinin azalması meylini dayandırmaq üçün doğum əmsalını 2,14-ə çatdırmaq lazımdır.
Nazir ümumən ölkədə demoqrafik vəziyyəti təsvir edərək demişdir ki, ötən 12 ildə əhalinin sayı 4 faiz, yaxud 5,8 milyon nəfər azalmışdır. Lakin son bir neçə ildə müsbət meyil müşahidə olunur. Belə ki, doğumun ən aşağı səviyyəyə endiyi 1999-cu ildəkinə nisbətən 2004-2005-ci illərdə doğulmuş uşaqların sayı çoxalmışdır. Bununla yanaşı, keçən il ölənlərin sayı əhalinin hər min nəfəri hesabı ilə 16 nəfər olmuşdur. Onların 30 faizi əmək qabiliyyəti yaşında idi. “Qeyri-təbii səbəblər” üzündən ölənlərin əksəriyyətini intiharçılar təşkil edir. İkinci yeri yol-nəqliyyat hadisələrinin qurbanları, üçüncü yeri alkoholdan zəhərlənib dünyasını dəyişənlər tuturlar.
Bölmənin digər xəbərləri
