RUSİYA PİVƏNİN REKLAMINI MƏHDUDLAŞDIRMIŞDIR
Bu sənədə uyğun olaraq, indən belə cürbəcür yollarla yayılan pivə və spirtli içki reklamlarının yerli vaxtla saat 07-dən 22-dək radio və televiziya proqramlarında verilməsi, cizgi filmləri şəklində hazırlanması, bu məqsədlə insanlardan və heyvanlardan, habelə onların surətlərindən istifadə olunması qadağan edilir.
Bundan əlavə, pivə reklamında onun susuzluğu yatırmaq vasitəsi olması, zərərsizliyi, yaxud müalicəvi xüsusiyyətləri barədə məlumat olmamalıdır. Pivə reklamının uşaq tərbiyə, təhsil, tibb, sanatoriya-kurort müəssisələrində, idman təşkilatlarında və onlara 100 metrdən yaxın məsafədə yayılması da qadağandır.
Bütün hallarda pivə reklamı onun ziyanlı olması barədə xəbərdarlıqla müşayiət edilməli, radio və televiziya proqramlarında bu reklamın translyasiyası zamanı efir vaxtının ən azı 10 faizi, digər üsullarla yayıldıqda isə reklam sahəsinin ən azı 10 faizi həmin xəbərdarlığa ayrılmalıdır.
Bölmənin digər xəbərləri
