RUSİYA PREZİDENTİ MƏHƏMMƏD PEYĞƏMBƏRİN KARİKATURALARININ DƏRCİNİ PİSLƏMİŞDİR
AZƏRTAC Müstəqil İslam İnformasiya Agentliyinə istinadla xəbər verir ki, Rusiya Prezidenti Vladimir Putin Danimarkanın ən iri qəzetlərindən biri olan “Yullands-posten”də Məhəmməd Peyğəmbərin karikaturalarının dərcini “kədərləndirici hal” adlandırmışdır. Prezident jurnalistlərlə mətbuat konfransında demişdir: ”Xatırlayıram ki, Danimarka rəhbərliyi bəzi ekstremist cərəyanları, o cümlədən öz ərazisində Rusiya əleyhinə fəaliyyətdə ixtisaslaşan cərəyanları dəstəkləmişdir. Bu gün isə onlar, əslində, dindarların hisslərini təhqir edənləri şirnikləndirirlər. Bu məntiqsizlik yaxşı nəticələnməyəcəkdir. Mən, bir tərəfdən, Danimarka diplomatlarının bu ölkədə baş verənlərlə bağlı üzrxahlıqlarını, digər tərəfdən isə, dindar müsəlmanların hisslərini alçaldanları yalançı demokratik mətbuat azadlığı şüarları altında müdafiə etməyə çalışan ölkə rəhbərliyinin fikirlərini eşidirəm. Bu, bütövlükdə sivilizasiyalar arasında dialoqa gətirib çıxaracaq siyasət deyildir”.
Bölmənin digər xəbərləri
