Rusiya, Türkiyə və İran Suriya münaqişəsi ilə bağlı videokonfrans keçirəcəklər
Moskva, 16 iyun, AZƏRTAC
Rusiya, Türkiyə və İran Suriya münaqişəsinin həlli üzrə videokonfrans keçirəcəklər.
AZƏRTAC xəbər verir ki, bu barədə Rusiyanın Xarici İşlər naziri Sergey Lavrov iranlı həmkarı Cavad Zəriflə Moskvada keçirilən görüşdə bildirib.
O deyib ki, “Astana üçlüyü”nün görüşünü BMT Baş katibinin xüsusi nümayəndəsi G.Pedersen Suriya Konstitusiya Komitəsinin redaksiya heyətini toplayanadək keçirmək mümkündür. Nazir videokonfransın avqust ayınadək təşkil oluna biləcəyini istisna etməyib.
Rusiya, Türkiyə və İran nümayəndələrinin “Astana formatı”nda görüşü 2017-ci ildən keçirilir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
