Rusiyada ötən gün 8 min 338 nəfər koronavirusa yoluxub
Moskva, 27 may, AZƏRTAC
Ötən gün Rusiyada 8 min 338 nəfərdə koronavirus infeksiyası aşkar edilib.
AZƏRTAC xəbər verir ki, gün ərzində 161 xəstə vəfat edib, 11 min 79 nəfər sağalaraq xəstəxanadan evə buraxılıb. Yoluxanların 2140 nəfəri Moskva sakinidir.
Beləliklə, Rusiyada infeksiyaya yoluxanların ümumi sayı 370 min 680 nəfərə çatıb, indiyədək bu xəstəlikdən 142 min 208 nəfər sağalıb, 4 minə yaxın insan vəfat edib.
Hazırda Rusiya yoluxanların sayına görə, dünyada ABŞ və Braziliyadan sonra üçüncü yeri tutur. Növbəti yerlərdə Böyük Britaniya, İspaniya və İtaliyadır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
