Rusiyada pandemiya başlayandan bir gündə rekord sayda – 174 nəfər vəfat edib
Moskva, 28 may, AZƏRTAC
Ötən gün Rusiyada 8 min 371 nəfərdə koronavirus infeksiyası aşkar edilib.
AZƏRTAC xəbər verir ki, gün ərzində 174 xəstə vəfat edib. Bu, pandemiya dövrü ərzində ən böyük göstəricidir. Ötən gün 8 785 nəfər sağalaraq xəstəxanadan evə buraxılıb. Yoluxanların 2054 nəfəri Moskva sakinidir. Qeyd edək ki, Rusiya paytaxtında özünütəcrid rejimi iyunun 14-dək uzadılıb.
Beləliklə, Rusiyada infeksiyaya yoluxanların ümumi sayı 379 min 51 nəfərə çatıb, indiyədək bu xəstəlikdən 150 min 993 nəfər sağalıb, 4142 xəstə vəfat edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
