Rusiyada yol qəzası nəticəsində 15 nəfər həlak olub
Moskva, 21 avqust, AZƏRTAC
Avqustun 21-də gündüz saatlarında Rusiyanın Ulyanovsk vilayətində, “Ural” avtomobil yolunun Nikolayevsk rayonundan keçən hissəsində içərisində 18 sərnişin olan “Mercedes” markalı mikroavtobus iki yük avtomobili ilə toqquşub.
AZƏRTAC xəbər verir ki, qəza nəticəsində 15 nəfər həlak olub.
Avtobusun sərnişinləri Qazaxıstan vətəndaşlarıdır. Hadisə zamanı daha 3 nəfər xəsarət alıb.
Hadisə ilə bağlı araşdırma aparılır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
