Saatlıda əhaliyə göstərilən ödənişli xidmətlərin çox hissəsi fiziki şəxslərin payına düşüb
Saatlı, 22 avqust, Aydın Yavərzadə, AZƏRTAC
Saatlı rayonunda bu ilin altı ayı ərzində əhaliyə göstərilən ödənişli xidmətlərin həcmi 20 milyon 197,0 min manat olub ki, bunun da 3 milyon 223,6 min manatı hüquqi şəxslərin, 16 milyon 973,4 min manatı isə fərdi sahibkarların payına düşüb.
Saatlı Rayon Statistika İdarəsindən AZƏRTAC-ın bölgə müxbirinə verilən məlumata görə, əhaliyə göstərilən ödənişli xidmətin həcmi əvvəlki ilin müvafiq dövrü ilə müqayisədə 2 milyon 480,0 min manat və ya müqayisəli qiymətlərlə 3,2 faiz artıb. Göstərilən ödənişli xidmətlərin həcmindən 2 milyon 677,0 min manatı məişət xidməti olub ki, bu da əvvəlki ilin müvafiq dövrü ilə müqayisədə 347,0 min manat və ya müqayisəli qiymətlərlə 1,2 faiz çoxdur. İlin yanvar-iyun ayları ərzində iaşə dövriyyəsinin həcmi 3 milyon 680,0 min manat olub. Bu göstərici əvvəlki ilin müvafiq dövrü müqayisədə 700,0 min manat və ya müqayisəli qiymətlərlə 5,7 faiz çox deməkdir.
Bölmənin digər xəbərləri
