Sabunçu rayonunun Ramana qəsəbəsində təkər və məişət tullantıları yanıb
Bakı, 19 dekabr, AZƏRTAC
Paytaxtın Sabunçu rayonunda yanğın baş verib.
AZƏRTAC Fövqəladə Hallar Nazirliyinin (FHN) saytına istinadla xəbər verir ki, nazirliyin “112” qaynar telefon xəttinə Bakı şəhəri Sabunçu rayonunun Ramana qəsəbəsində açıq sahədə yanğın olması barədə məlumat daxil olub. Nazirliyin Dövlət Yanğından Mühafizə Xidmətinin yanğından mühafizə bölmələri alovun baş verdiyi əraziyə cəlb olunub.
İlkin məlumata əsasən, gölə yaxın açıq ərazidə təqribən 70 kvadratmetr sahədə təkər və məişət tullantıları yanıb. Alov yanğından mühafizə bölmələri tərəfindən söndürülüb.
Bölmənin digər xəbərləri
