Sahibkarlar Daşkənddəki kənd təsərrüfatı sərgisində iştiraka dəvət olunurlar
Bakı, 3 oktyabr, AZƏRTAC
Noyabrın 25-27-də Özbəkistanın paytaxtı Daşkənddə 16-cı Beynəlxalq Kənd Təsərrüfatı Sərgisi - "Uz Agro Expo - 2020" (ətraflı - https://worldexpo.pro/uzagroexpo) keçiriləcək.
Kiçik və Orta Biznesin İnkişafı Agentliyindən AZƏRTAC-a bildirilib ki, sərgi bitkiçilik, heyvandarlıq, baytarlıq, müasir kənd təsərrüfatı texnikasının və ehtiyat hissələrinin istehsalı, aqrar məhsulların satışı, emalı, daşınması və saxlanılması sahələrində ixtisaslaşmış müəssisə və təşkilatları, idxalçıları və ixracatçıları bir araya gətirəcək.
Sərgiyə ziyarətçi və ya iştirakçı kimi qatılmaq istəyən Azərbaycanın kiçik və orta biznes subyektləri məlumat üçün sərginin təşkilatçıları ilə əlaqə saxlaya bilərlər:
Telefon: (+998-71) 238 59 59
E-poçt: “[email protected]”
İnternet səhifəsi: www.ieg.uz
Bölmənin digər xəbərləri
