SAMBO ÜZRƏ ÖLKƏ ÇEMPİONATI YEKUNLAŞMIŞDIR
AZƏRTAC xəbər verir ki, yanvarın 27-də Texniki Universitetin İdman Zalında Sambo üzrə Ölkə Çempionatında 140 nəfər kişi arasında qaliblər məlum olmuşdur.
9 çəki dərəcəsi üzrə keçirilən yarışın nəticələrinə görə, Kərimov Yusif (52 kq), Qasımov İslam (57 kq), Kərimov Tərlan (62 kq), Həsənov Emin (68 kq), Bayramov Naim (74 kq), Paşayev Zaur (82 kq), Səfərbəyov Asif (90 kq), Əliyev Anar (100 kq), Səfərbəyov Vasif (100 kq-dan yuxarı) Azərbaycan çempionu adına layiq görülmüşlər.
Yarışın qalibləri aprel ayında Kiyevdə keçiriləcək sambo üzrə Avropa birinciliyində Azərbaycanı təmsil edəcəklər.
Bölmənin digər xəbərləri
