Sarıqamış şəhidlərinin anım mərasimində tavan uçub
Ankara, 7 yanvar, AZƏRTAC
Sarıqamış faciəsinin 108-ci ildönümü ilə əlaqədar Qarsda təşkil olunan anım mərasiminin keçirildiyi hotelin tavanı uçub.
AZƏRTAC Anadolu Agentliyinə istinadla xəbər verir ki, Sarıqamış rayonunda tədbirin keçirildiyi oteldə baş vermiş hadisə nəticəsində ən azı on nəfər yaralanıb.
Xəsarət alanlar xəstəxanalara çatdırılıblar.
Bildirilib ki, anım mərasimlərinə qatılmaq üçün Qarsda olan gənclər və idman naziri Mehmet Muharrem Kasapoğlu xəsarət alanlara baş çəkib.
Ən son məlumata görə, yaralılar üçün həyati təhlükə yoxdur.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
