Şəki Dövlət Dram Teatrında polşalı dramaturqun əsəri səhnələşdirilib
Şəki, 14 aprel, Mustafa Dadaşov, AZƏRTAC
Şəki Dövlət Dram Teatrında polşalı dramaturq Slavomir Mrojekin “Xoşbəxt hadisə” (tərcümə edəni Vaqif Aslan) pyesi əsasında səhnələşdirilmiş eyniadlı tamaşaya ictimai baxış olub.
Bu barədə AZƏRTAC-ın bölgə müxbirinə teatrın ədəbi dram hissə rəhbəri Lalə Məmmədova məlumat verib.
Teatrın rəsmisi bildirib ki, tamaşa Azərbaycan Respublikası Prezidentinin fərdi təqaüdçüsü, Əməkdar artist Xanlar Həşimzadənin 50 illik uğurlu səhnə fəaliyyəti və 70 illik yubileyinə həsr olunub.
Tamaşanın quruluşçu rejissoru teatrın baş rejissoru, Əməkdar incəsənət xadimi Mirbala Səlimli, quruluşçu rəssamı Sahib Əhmədov, geyim üzrə rəssamı Elman Rəşidov, baletmeysteri Çingiz Novruzəliyevdir.
Səhnə əsərində rolları Əməkdar artistlər Xanlar Həşimzadə (Gəlmə adam), Əbülfət Salahov (Qoca), aktyorlar Xəyal Salahov (Ər), Nazilə İmamhüseynova (Arvadı) və Önər Salahov (Körpə) ifa ediblər.
Bölmənin digər xəbərləri
