Şəki şəhər sakinindən narkotik vasitə götürülüb
Bakı, 2 iyun, AZƏRTAC
Şəki Şəhər-Rayon Polis Şöbəsinin əməkdaşları üzərində narkotik vasitə daşımaqda və saxlamaqda şübhəli bilinən, əvvəllər də məhkum olunmuş P.Məmmədovu saxlayıblar.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a bildiriblər ki, axtarış zamanı ondan 6 qrama yaxın qurudulmuş marixuana aşkarlanıb. Davam etdirilən tədbirlərlə P.Məmmədovun yaşadığı evin yaxınlığında, dağlıq ərazidə gizlətdiyi 445 qram qurudulmuş marixuana da qablaşdırılaraq maddi sübut kimi götürülüb.
Faktla bağlı araşdırma aparılır.
Bölmənin digər xəbərləri
