Şəmkirdə baş verən yanğında azyaşlı xəsarət alıb VİDEO
Şəmkir, 8 aprel, Ruslan Novruzoğlu, AZƏRTAC
Şəmkirdə yanğın hadisəsi baş verib. Hadisə rayonun Dəllər qəsəbəsində, Səməd Vurğun küçəsində qeydə alınıb.
AZƏRTAC xəbər verir ki, qəsəbə sakini 1978-ci il təvəllüdlü Anar Əliyevə məxsus ümumi sahəsi 70 kvadratmetr olan 3 otaqlı evdə yanğın başlayıb. Dərhal hadisə yerinə FHN-in Dövlət Yanğından Mühafizə Xidmətinin Şəmkir rayon Dövlət Yanğından Mühafizə Hissəsinin 2 yanğınsöndürən avtomobili və 15-ə yaxın canlı qüvvəsi cəlb olunub.
Yanğın zamanı evin 3 otağı, 1 mətbəxi yanıb, evin 15 kilometr ətrafı yanğınsöndürənlər tərəfindən mühafizə olunub. Ev sahibinin övladı 2016-cı il təvəllüdlü Əliyev Rəvan alovun içindən yanğınsöndürənlər tərəfindən xilas edilib. Yanıq xəsarətləri alan azyaşlı xəstəxanaya yerləşdirilib, vəziyyətinin kafi olduğu bildirilir.
Hadisənin başvermə səbəbləri araşdırılır.
Bölmənin digər xəbərləri
