Sentyabrın 15-dən bəri Bakı Metropolitenindən istifadə edənlərin sayı əsaslı şəkildə artıb
Bakı, 5 oktyabr, AZƏRTAC
Sentyabrın 15-dən Bakı Metropolitenində qatarların yeni hərəkət qrafiki tətbiq olunur. Yeni tədris mövsümü və fəal istirahət dövrünün başa çatması ilə əlaqədar Bakı Metropolitenində sərnişin sayı əsaslı şəkildə artıb.
Bakı Metropolitenindən AZƏRTAC-a bildirilib ki, sərnişindaşıma statistikasına əsasən, daşımanın əsaslı şəkildə artmağa başladığı sentyabrın 15-dən metropolitendən istifadə edənlərin sayı orta hesabla gün ərzində 671 min 815 sərnişin təşkil edib. Bu, bütün ay ərzində orta gündəlik sərnişindaşımadan təxminən 60 min çox sərnişin deməkdir.
Bölmənin digər xəbərləri
