Sərbəst güləşçilərimiz Tehranda güclərini sınayacaqlar
Bakı, 5 fevral, AZƏRTAC
Fevralın 7-8-də Tehranda sərbəst güləş üzrə “Təxti kuboku” turniri keçiriləcək.
Azərbaycan Güləş Federasiyasından AZƏRTAC-a bildiriblər ki, yığmamız baş məşqçi Saypulla Absaidov, böyük məşqçi Zəlimxan Hüseynov və məşqçi Arif Abdullayevin rəhbərliyi altında 2019-cu ildə ilk sınağına çıxacaq.
Qonşu ölkədə Pərviz İbrahimov (57 kq), Əhmədnəbi Qvarzatilov, Mircəlal Həsənzadə (hər ikisi 61 kq), Əli Rəhimzadə (65 kq), Ağahüseyn Mustafayev (70 kq), Hacımurad Hacıyev (74 kq), Cəbrayıl Həsənov (79 kq), Murad Süleymanov, Məhəmmədhacı Xatiyev (hər ikisi 86 kq), Şərif Şərifov, Şamil Zubairov (hər ikisi 92 kq) və Nurməhəmməd Hacıyev (97 kq) mübarizə aparacaqlar.
Qeyd edək ki, ənənəvi yarışda III dərəcəli beynəlxalq hakim Babək Allahverdiyev ədaləti qoruyacaq.
Bölmənin digər xəbərləri
