Serbiya Prezidenti yeni siyasi hərəkat yaradır
Belqrad, 9 mart, AZƏRTAC
Serbiya Prezidenti Aleksandar Vuçiç “Dövlət Uğrunda Xalq Hərəkatı” adlı yeni siyasi hərəkat yaratmaq niyyətindədir.
AZƏRTAC xəbər verir ki, A.Vuçiç yaxın günlərdə ilk olaraq ölkənin cənubunda yeni siyasi hərəkata ictimai dəstəklə bağlı təşviqat kampaniyasına başlayacaq. “Serbiyanı müdafiə etmək” şüarı ilə həyata keçiriləcək kampaniya qısa müddətdə ölkənin bütün regionlarını əhatə edəcək.
A.Vuçiçin hakim Serb Tərəqqi Partiyasından ayrılması da gündəmdədir.
O, daha əvvəl Serbiya üçün məqbul siyasi blok yaradacaqlarını və bunun vətəndaşlığa əsaslanan milli hərəkat olacağını bildirmişdi.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
