Serbiyada parlament binası təhlükəsizlik səbəbindən bağlanıb
Belqrad, 14 mart, AZƏRTAC
Serbiya Milli Assambleyasının binası təhlükəsizlik səbəbindən bağlanıb.
AZƏRTAC xəbər verir ki, parlamentin yaydığı məlumatda sabah da Milli Assambleyanın qarşısında keçirilməsi gözlənilən aksiyanın insidentsiz keçməsi, potensial təxribatların və qarşıdurmaların qarşısının alınması məqsədilə binanın bu gündən martın 16-dək bağlı qalacağı bildirilib.
Serbiya Prezidenti Aleksandar Vuçiç bu gün ictimaiyyətə müraciət edəcək. Belqrad meri Aleksandar Şapiç isə vətəndaşlara müraciətində insanları paytaxtı, konstitusiya quruluşunu və Serbiyanı qorumağa çağırıb.
Qeyd edək ki, martın 15-də Belqradda tələbələrin və ölkənin müxtəlif şəhərlərindən gələn yüzlərlə insanın iştirakı ilə etiraz aksiyasının keçirilməsi nəzərdə tutulur.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
