ŞƏT sammiti iyulun 3-4-də Astanada keçiriləcək
Bakı, 5 iyun, AZƏRTAC
Şanxay Əməkdaşlıq Təşkilatının (ŞƏT) növbəti sammiti iyulun 3-4-də Astanada keçiriləcək.
AZƏRTAC Kazinform agentliyinə istinadla xəbər verir ki, təşkilata üzv dövlətlərin başçıları sammit çərçivəsində siyasi, iqtisadi-ticari, mədəni-humanitar fəaliyyətlərin aktual məsələlərinin geniş spektrini nəzərdən keçirəcəklər.
Forumda müşahidəçi ölkələrin liderlərinin və dialoq üzrə tərəfdaşların iştirakı da gözlənilir.
Xatırladaq ki, Azərbaycan ŞƏT-in dialoq üzrə tərəfdaşı kimi regional təhlükəsizlik məsələləri, eləcə də Şərq-Qərb və Şimal-Cənub nəqliyyat dəhlizləri kimi kommunikasiya layihələrinin irəlilədilməsi üzrə təşkilatla faydalı əməkdaşlıq edir.
Bölmənin digər xəbərləri
