SƏUDİYYƏ BİZNESMENLƏRİ UKRAYNA İLƏ MÜŞTƏRƏK ŞİRKƏT YARATMAQ İSTƏYİRLƏR
AZƏRTAC Ukrinforma istinadla xəbər verir ki, Səudiyyə Ərəbistanı biznesmenləri nizamnamə kapitalı bir milyard dollar olmaqla Səudiyyə-Ukrayna şirkəti yaratmağı təklif edirlər. Bunu Ukraynanın xarici işlər naziri Boris Tarasyuk ilə görüşdə Səudiyyə Ərəbistanının sənaye və ticarət naziri Haşim Əl-Yamani bildirmişdir. O, ticarət-iqtisadi və elmi-texniki əməkdaşlıq üzrə Hökumətlərarası komissiyanın ikinci iclasında iştirak etmək üçün Kiyevə gələn nümayəndə heyətinə başçılıq edir.
Ukrayna XİN-in mətbuat xidməti bildirmişdir ki, təyyarəqayırma, neft və qaz, kənd təsərrüfatı, sərmayə yatırımı sahələrində ikitərəfli əməkdaşlığın genişləndirilməsinə xüsusi diqqət yetirilmişdir.
Bölmənin digər xəbərləri
