SƏUDİYYƏ ƏRƏBİSTANI BEYNƏLXALQ KAPİTALI ÖZ QAZ SEKTORUNA CƏLB EDİR

25.07.2003 [15:22]
Çap et
A⁺ A^-

AZƏRTAC-ın Fransadakı xüsusi müxbiri xəbər verir ki, Avropada səfərdə olan Səudiyyə Ərəbistanının neft və mineral ehtiyatlar naziri Əli ibn İbrahim ən-Nüaymi Parisdə mətbuat konfransı keçirmişdir. Nazir bildirmişdir ki, onun ölkəsi çox zəngin üç qaz yatağının işlənilməsi üçün beynəlxalq tender elan etmişdir.

Bu xəbər sensasiya kimi qarşılanmışdır. Çünki Səudiyyə Ərəbistanı neft və qaz sənayesini milliləşdirdiyi vaxtdan bəri öz karbohidrogen yataqlarını hələ heç zaman beynəlxalq tender üçün təklif etməmişdir. Lakin təbii qaz ehtiyatlarının həcminə görə dünyada dördüncü yeri tutan bu ərəb ölkəsi indi qərarını dəyişir və Yer üzündə ən böyük qaz ixracçısı olmaq üçün prinsipial addım atır.

Tenderdən məqsəd yaxın beş ildə Səudiyyə Ərəbistanının qaz sektoruna 25 milyard dollar məbləğində sərmayə cəlb etməkdir. Tender elan olunan kimi 40 ən iri özəl neft şirkəti onda iştirak etmək istədiyini bildirmişdir. Bu günlərdə Ər-Riyad təbii qaz yataqlarında iş aparılması üçün Britaniyanın “Şell” və Fransanın “Total” şirkətlərindən ibarət beynəlxalq konsorsiuma lisenziya vermişdir.

SƏUDİYYƏ ƏRƏBİSTANI BEYNƏLXALQ KAPİTALI ÖZ QAZ SEKTORUNA CƏLB EDİR

MÜƏLLİFLƏ ƏLAQƏ

Bölmənin digər xəbərləri