Səudiyyə Ərəbistanı neft hasilatını könüllü olaraq azaldıb
Bakı, 4 mart, AZƏRTAC
Səudiyyə Ərəbistanı neft bazarlarının sabitliyini dəstəkləmək üçün gündəlik neft hasilatını könüllü olaraq bir milyon barel azaltdığnı elan edib.
AZƏRTAC xəbər verir ki, Səudiyyə Ərəbistanının Energetika Nazirliyinin hesabatına əsasən, hasilatın azalması Neft İxrac Edən Ölkələr Təşkilatının (OPEC) bəzi üzvləri və onun müttəfiqləri, o cümlədən OPEC+ kimi tanınan qrup ilə razılaşdırılıb.
Nazirlikdən bildirilib ki, krallıq 2024-cü il iyun ayının sonunadək gündə təxminən doqquz milyon barrel neft hasil edəcək.
Hasilatın azaldılması Səudiyyə Ərəbistanının 2023-cü ilin aprelində elan etdiyi və 2024-cü il dekabrın sonunadək davam edəcək gündəlik 500 min barrel ixtisara əlavədir.
Bölmənin digər xəbərləri
