SƏUDİYYƏ ƏRƏBİSTANI VƏ İRAQ ARASINDA SƏDD ÇƏKİLƏCƏK
Sədd ölkənin təhlükəsizliyinin təmin edilməsinə dair təxminən 12 milyard dollar dəyərində böyük layihənin bir hissəsidir. Miqrasiya dalğasının qarşısını almaq üçün sərhəddə tikanlı məftillər və sədlərdən savayı radiosensorlar, hərəkəti izləyən cihazlar, ultrabənövşəyi kameralar, avtomat turniketlər və digər texniki vasitələr quraşdırılacaqdır.
Yaraqlıların əksəriyyəti İraqa Səudiyyə Ərəbistanından deyil, Suriya, İordaniya və İrandan keçirlər. Odur ki, səddin çəkilməsinin İraqdakı vəziyyətə təsir göstərəcəyinə ümid azdır.
Səddin inşasına 2007-ci ildə başlanacağı və tikintinin 6 il davam edəcəyi gözlənilir. Layihənin ümumi dəyəri təxminən 500 milyon dollar olacaqdır.
Bölmənin digər xəbərləri
