Silahlı münaqişələrdə insan hüquqlarının qorunması məsələləri araşdırılıb
Bakı, 22 may, AZƏRTAC
AMEA-nın Hüquq və İnsan Haqları İnstitutunun Beynəlxalq hüquq şöbəsinin əməkdaşı Günel Abdıyevanın “Hüquq elmləri və təhsil” (Juridical Sciences and education) jurnalında məqaləsi dərc edilib.
İnstitutdan AZƏRTAC-a bildirilib ki, “Silahlı münaqişələrdə insan hüquqlarının qorunması” məqaləsində müvafiq hallarda şəxslərin müdafiəsini təmin edən beynəlxalq insan hüquqları və beynəlxalq humanitar hüquq sahələrinin anlayışları verilib, onların qarşılıqlı təhlilləri aparılaraq oxşar və fərqli cəhətləri qeyd olunub. Müəllif, həmçinin Avropa İnsan Hüquqları Məhkəməsinin silahlı qarşıdurmalar zamanı insan hüquqlarının pozulması ilə bağlı təcrübi mövqeyini araşdırıb və məhkəmənin baxdığı bəzi işləri təhlil edib.
Məqalənin nəticə hissəsində silahlı qarşıdurmalar zamanı insan hüquqlarının pozulması hallarının azaldılması üçün dövlətlərin və beynəlxalq təşkilatların görməli olduğu işlər istiqamətində təkliflər verilib.
Bölmənin digər xəbərləri
