SİLAHLI QÜVVƏLƏRİN 90-CI İLDÖNÜMÜ MÜNASİBƏTİLƏ ÜZGÜÇÜLÜK ESTAFETİ KEÇİRİLƏCƏKDİR
AZƏRTAC xəbər verir ki, Bakı Şəhər Gənclər və İdman Baş İdarəsi (BŞGİBİ), Hərbi Dəniz Qüvvələri ilə birgə Azərbaycan Respublikasının Silahlı Qüvvələrinin 90-cı ildönümü münasibətilə iyunun 21-də üzgüçülük estafeti keçirəcəkdir.
Tədbirlə bağlı iyunun 20-də Hərbi Dəniz Qüvvələrinin zabitlər evində keçirilmiş mətbuat konfransında BŞGİBİ-nin rəisi Raqif Abbasov bildirmişdir ki, Nargin adası - Milli Parkdakı “Sadko” kafesi marşrutu ilə hərəkət edəcək idmançılarımız bir neçə saat ərzində öz bacarıqlarını nümayiş etdirəcəklər.
Yarışda bütün təhlükəsizlik qaydalarına əməl ediləcək və mətbuat nümayəndələrinin yürüşü yaxından izləməsi üçün lazımi şərait yaradılacaqdır.
R.Abbasov demişdir ki, uzun illərdən sonra yenidən təşkil edilən bu estafetdə yaxın illərdə digər ölkələrin idmançıları da qüvvələrini sınıyacaqlar.
Bildirilmişdir ki, yarışda Hərbi Dəniz Qüvvələrinin və Azərbaycan Üzgüçülük Federasiyasının 20-dən çox idmançısı mübarizə aparacaqdır.
Bölmənin digər xəbərləri
