SİLVİO BERLUSKONİ ABŞ VƏ AVROPANI HƏMAS İLƏ DANIŞIQLARI RUSİYA PREZİDENTİNƏ ETİBAR ETMƏYƏ ÇAĞIRIR
O, Vaşinqtona səfəri ərəfəsində Amerikanın “Nyusuik” jurnalına müsahibəsində demişdir: “Hesab edirəm ki, Rusiyanın mövqeyi Həmasla danışıqların başlanmasına yol aça bilər. Rusiyanın təşəbbüsü Həmas və onu terrorçu təşkilat elan edən Qərb ölkələri arasında münasibətləri irəlilətmək üçün ən praqmatik addımdır”.
Berluskoni ABŞ və Avropanı “Həmas ilə danışıqlarda lider rolunu Rusiya Prezidenti Vladimir Putinə etibar etməyə” çağırmışdır.
“İnterfaks” agentliyinin məlumatına görə, Fələstin radikalları nümayəndə heyətinin Moskvaya dəvət olunmasını indiyədək Qərb dövlətlərindən yalnız Fransa dəstəkləmişdir.
Bununla belə, Həmasın liderlərindən biri İsmail Haniyə “Vaşinqton post” qəzetinə müsahibəsində hərəkatın İsraili tanımasının mümkün şərtləri barədə fikrindən imtina etmişdir. O demişdir ki, müsahibədə İsraili tanımaq məsələsinə toxunulmamışdı. Qəzet onun bu sözlərini sitat gətirmişdi: “Qoy, İsrail bildirsin ki, Fələstin dövlətini 1967-ci il sərhədləri daxilində tanıyır, fələstinli məhbusları buraxacaq və qaçqınların İsrailə qayıtmaq hüququnu tanıyır. Bu halda Həmas uzunmüddətli sülhə razılıq verəcəkdir”.
Bölmənin digər xəbərləri
