Sinoptiklərdən xəbərdarlıq: Yağış, qar yağacaq, bəzi yerlərdə intensiv olacaq
Bakı, 16 fevral, AZƏRTAC
Sinoptiklər yağıntılı və əlverişsiz hava şəraiti ilə bağlı xəbərdarlıq ediblər.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata əsasən, fevralın 18-dən 19-u gündüzədək ölkə ərazisində hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı gözlənilir. Yağıntının bəzi yerlərdə intensiv olacağı ehtimalı var.
Bundan əlavə, fevralın 18-i axşamdan 19-u səhərədək Bakıda və Abşeron yarımadasında arabir yağış yağacağı, yağıntının bəzi yerlərdə intensiv olacağı gözlənilir.
Tibbi-meteoroloji proqnoza görə, fevralın 17-18-də Abşeron yarımadasında rütubətli hava şəraitinin üstünlüyü bəzi meteohəssas insanlar üçün əsasən əlverişsiz olacaq.
Bölmənin digər xəbərləri
