SOCAR Georgia Petroleum tələbələr üçün İş və Təhsil Proqramı elan edib
Tbilisi, 24 mart, AZƏRTAC
SOCAR Georgia Petroleum Gürcüstanda gənclərin məşğulluğunu və təhsilini dəstəkləmək məqsədilə Tələbə Proqramını davam etdirir.
AZƏRTAC xəbər verir ki, Proqram çərçivəsində tələbələr eyni zamanda iş təcrübəsi qazanmaq və təhsilləri üçün maliyyə dəstəyi əldə etmək imkanı qazanacaqlar.
Təşəbbüsün məqsədi tələbələrin peşəkar və şəxsi inkişafını dəstəkləmək, motivasiyasını artırmaq və şirkətin sosial məsuliyyətinin vacib hissəsi olan iş mədəniyyətini gücləndirməkdir.
SOCAR Georgia Petroleum gənclərin inkişafını dəstəkləməyə və Gürcüstan ərazisində təhsilyönümlü layihələr həyata keçirməyə davam edir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
