Son bir sutkada İranda 2080 nəfər koronavirusa yoluxub
Tehran, 27 may, AZƏRTAC
Son 24 saat ərzində İranda 2080 nəfər koronavirusa yoluxub, 56 nəfər isə həyatını itirib.
AZƏRTAC xəbər verir ki, bu barədə İran Səhiyyə Nazirliyinin mətbuat katibi Kiyanuş Cahanpur məlumat verib. Onun sözlərinə görə, bu günədək ölkədə 141 min 591 nəfər virusa yoluxub, 7 min 564 nəfər isə ölüb. Bununla yanaşı, xüsusi xəstəxanalarda müalicə alan 111 min 176 nəfər sağalaraq evə buraxılıb.
Mətbuat katibi bildirib ki, hazırda intensiv terapiya şöbəsində müalicə alan xəstələrdən 2 min 551-nin vəziyyəti ağır olaraq alır.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
