SON İKİ ƏSRDƏ AFİNADA İLK DƏFƏ MƏSCİD TİKİLƏCƏK

22.07.2004 [16:03]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, son iki əsrdə Yunanıstan paytaxtında ilk dəfə məscid tikiləcəkdir. O, qarşıdakı Olimpiya oyunlarından sonra - cari ilin axırlarında təntənəli şəraitdə açılacaqdır. Onun tikintisi üçün Afina beynəlxalq hava limanı yaxınlığında torpaq sahəsi ayrılmışdır. Layihəni Səudiyyə Ərəbistanı maliyyələşdirir.

Əvvəlcə bu məscidi Olimpiya oyunları ərəfəsində açmaq planlaşdırılırdı. Lakin həmin məsələni yunan pravoslav kilsəsi və yerli bələdiyyə ilə razılaşdırmaq həddindən artıq vaxt aparmış və nəticədə onun həlli uzadılmışdır.

Olimpiya kəndində müsəlman ölkələrinin idmançıları və nümayəndələri üçün müvəqqəti ibadətxana fəaliyyət göstərəcəkdir.

Xatırladaq ki, 1832-ci ildən – Yunanıstan Osmanlı hökmranlığından azad edildiyi vaxtdan bəri Afinada məscid tikilməmişdir.

SON İKİ ƏSRDƏ AFİNADA İLK DƏFƏ MƏSCİD TİKİLƏCƏK

MÜƏLLİFLƏ ƏLAQƏ

Bölmənin digər xəbərləri