Son iki gün təhvil alınan və aşkar edilərək götürülən silah-sursatın sayı açıqlanıb
Bakı, 4 mart, AZƏRTAC
Polis əməkdaşları qanunsuz saxlanılan odlu silahların könüllü təhvil verilməsi ilə bağlı profilaktik tədbirləri davam etdirir.
Daxili İşlər Nazirliyinin mətbuat xidmətindən AZƏRTAC-a verilən məlumata görə, martın 2-də və 3-də polis əməkdaşları paytaxt və respublikanın ayrı-ayrı rayonlarında 1 avtomat silahı, 3 tüfəng, 9 patron darağı və 30 ədəd müxtəlif çaplı patron təhvil götürüblər.
Həmçinin polis əməkdaşlarının keçirdikləri əməliyyat tədbirləri ilə qanunsuz saxlanılan 8 müxtəlif markalı tüfəng və 11 patron aşkar edilərək götürülüb.
Bölmənin digər xəbərləri
