SOSİAL RAZILAŞMA TƏRƏFDAŞLIQ MÜNASİBƏTLƏRİNİN MÜHÜM VƏZİFƏLƏRİNDƏN BİRİDİR
AZƏRTAC xəbər verir ki, Beynəlxalq Əmək Təşkilatı ilə Azərbaycan Respublikası Əmək və Əhalinin Sosial Müdafiəsi Nazirliyinin birgə keçirdikləri “Milli səviyyədə sosial dialoqun inkişafı” mövzusunda seminarda Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Mehbalıyev çıxış edərək müzakirə olunan məsələnin vacibliyini bildirərək, ölkəmizin həmkarlar ittifaqlarının sivil tərəfdaşlıq münasibətlərinin qurulması sahəsində ən mühüm vəzifələrindən biri kimi sosial razılaşmanı irəli sürmüş, sosial yönümlü iqtisadi siyasətin üçtərəfli məsləhətləşmələr əsasında formalaşdırılması üzrə hökümət, işəgötürənlər və həmkarlar ittifaqının səylərinin birləşdirilməsinin zəruriliyini vurğulamışdır.
S.Mehbalıyev öz çıxışında həmkarlar ittifaqları birliklərinin Kollektiv müqavilə və Sazişlərdə götürülmüş öhdəliklərin yerinə yetirilməsini daim nəzarətdə saxladıqlarını və bununla əlaqədar sosial tərəfdaşlarla fikir mübadilələri aparılmasının vacibliyini seminar iştirakçılarının diqqətinə çatdırmışdır.
Bölmənin digər xəbərləri
