“Sumqayıt” futbol klubunun baş məşqçisinin köməkçiləri müəyyənləşib
Sumqayıt, 15 noyabr, Ətrabə Rzayeva, AZƏRTAC
"Sumqayıt" futbol klubunun baş məşqçisi Ayxan Abbasovun köməkçiləri müəyyənləşib. Bu vəzifə Elnur Çodarova və U-19 komandasının baş məşqçisi Mehman Yunusova həvalə edilib.
Klubun mətbuat xidmətindən AZƏRTAC-a bildiriblər ki, Emil Babayev qapıçılar üzrə məşqçi, Sergey Yankovyi fiziki hazırlıq üzrə məşqçi təyin olunub.
Qeyd edək ki, Ayxan Abbasov noyabrın 14-də "Sumqayıt" FK-nın baş məşqçisi təyin olunub. Onunla 2020-ci ilin sonuna qədər müqavilə imzalanıb.
Bölmənin digər xəbərləri
