SUMQAYIT İQTİSADİYYATININ İNKİŞAFINDA YENİ MƏRHƏLƏ
İcra hakimiyyətinin başçısı Vaqif Əliyev bildirmişdir ki, regionların sosial-iqtisadi inkişafı Dövlət Proqramında regionlara keyfiyyətcə yeni yanaşma, əmək ehtiyatlarından, təbii və iqtisadi potensialdan səmərəli istifadə nəzərdə tutulmuşdur. Sumqayıtda sənaye istehsalının həcmi 2003-cü ildə 598,2 milyard manat, 2004-cü ildə 928,8 milyard manat təşkil etmiş, ötən ilin yekunlarına görə isə bir trilyon manatı keçmişdir. Proqramın həyata keçirdiyi iki il ərzində şəhərdə 17 min 531 iş yeri, o cümlədən sənaye sahələrində 3 min 150 iş yeri açılmışdır. Sosial-iqtisadi inkişafın statistik göstəricilərinə görə dinamik yüksəliş müşahidə olunur. Bu, Dövlət Proqramının böyük əhəmiyyətini bir daha təsdiq edir.
Təşkilat komitəsinin işgüzar, konstruktiv şəraitdə keçən iclasında dövlətimizin başçısı İlham Əliyevin bu il fevralın 17-də regionların sosial-iqtisadi inkişafına dair Dövlət Proqramının təsdiq edilməsinin ikinci ildönümü münasibətilə keçirilən yığıncaqda irəli sürdüyü tələblərə uyğun, elmi cəhətdən əsaslandırılmış, real imkanlara əsaslanan güclü iqtisadi potensial konsepsiyasının işlənib hazırlanmasına dair təkliflər irəli sürülmüşdür.
Bölmənin digər xəbərləri
