Suraxanı rayonunun bəzi qəsəbələrinin təbii qaz təchizatında fasilə yaranıb
Bakı, 29 mart, AZƏRTAC
Suraxanı rayonunun bəzi qəsəbələrinin təbii qaz təchizatında fasilə yaranıb.
“Azəriqaz” İstehsalat Birliyindən AZƏRTAC-a bildirilib ki, martın 29-da saat 15:50 radələrində "Qaz İxrac" İdarəsinin Qaraçuxur Qazpaylayıcı Stansiyasında müşahidə olunan güclü qaz sızması ilə bağlı təcili təmir işlərinə ehtiyac yaranıb. Qəza halı ilə əlaqədar olaraq Suraxanı rayonunun Qaraçuxur, Yeni Günəşli və Əmircan qəsəbələrinin bir hissəsində qaz təchizatında müvəqqəti fasilə yaranıb. Günün sonuna qədər qaz təchizatının bərpası gözlənilir.
Bölmənin digər xəbərləri
